काठमाडाैं । खामजात चिमाएभ युएफसी मिडिलवेट च्याम्पियनसिपकाे नयाँ च्याम्पियन बनेका छन्। शिकागोको युनाइटेड सेन्टरमा गएराति भएकाे खेलमा चिमाएभले ड्रिकस डु प्लेसिसलाई एकपक्षीय रुपमा हराएका हुन् ।
३१ वर्षीय रुसी फाइटर चिमाएभले पुरै फाइटमा आफ्नो प्रभुत्व जमाएका थिए। उनले १० भन्दा बढी टेकडेाउन गर्दै डु प्लेसिसलाई जमिनमा नै धेरै समय बिताए। उनले माथिबाट नै घुँडा र मुक्का प्रहार गरेका थिए।
यद्यपि, पाँचौ राउन्डमा चिमाएभलाई डु प्लेसिसले गिलोटिन चोकमा पार्ने प्रयास गरे, जुन क्षणमा चिमाएभलाई केही तनाव भएको थियो। तर उनले त्यसलाई पनि विफल पारे। खेलमा ५०-४४, ५०-४४, र ५०-४४ को स्कोर चिमाएभको पक्षमा आएकाे थियाे । यस जितसँगै उनको करियरको रेकर्ड १५-० भएको छ।
यसअघि, डु प्लेसिसले आफ्नो अनौठो फाइट शैलीले मिडिलवेट च्याम्पियनका रूपमा आफूलाई लगभग अपराजय बनाएका थिए। तर यस पटक उनले करियरको सबैभन्दा कठिन चुनौतीको सामना गरे । चिमाएभ १४-० को रेकर्डका साथ अपराजित रहेका थिए र उनले यसअघि पूर्व च्याम्पियन रोबर्ट व्हिटेकर र कामारु उस्मान जस्ता दिग्गजलाई हराएका थिए।
