काठमाडौं । पेरिस सेन्ट-जर्मेनका स्टार ओस्मान डेम्बेलेले बालोन डी’ओर अवार्ड २०२५ जितेका छन्। पीएसजीलाई यूईएफए च्याम्पियन्स लिग जिताएका उनले पहिलोपटक बालोन डी’ओर अवार्ड चुमेका हुन् ।
डेम्बेलेलाई धेरै पहिलेदेखि नै बालोन डी’ओरको प्रबल दाबेदार मानिएको थियो, तर उनको यो सफलताले धेरैलाई चकित पारेको छ। करियरको अधिकांश समय सहायक भूमिकामा रहेका डेम्बेले यस सिजनमा पीएसजीको ऐतिहासिक सफलताका मुख्य खेलाडी बने। उनले आफ्नो टोलीलाई ट्रेबल उपाधि जिताउने क्रममा सबै प्रतियोगितामा गरी ३५ गोल गरेका थिए।
यसैगरी महिलातर्फको प्रतिष्ठित अवार्ड बार्सिलोनाकी खेलाडी एटान बोनमातीले आफ्नो पोल्टामा पारेकी छिन्। बोनमातीले भने लगातार तेस्रो वर्ष बालोन डी’ओर जितेर नयाँ कीर्तिमान कायम गरेकी छिन्। यो अवार्ड लगातार तीन वर्ष जित्ने उनी तेस्रो खेलाडी बनेकी छिन्। यसअघि अर्जेन्टिनाका लियोनेल मेसी र फ्रान्सका माइकल प्लाटिनीले मात्र यो सफलता हासिल गरेका थिए। बोनमातीले यो अवार्ड बार्सिलोना यूईएफए महिला च्याम्पियन्स लिगको फाइनलमा पराजित र स्पेन महिला युरो कप फाइनलमा पराजित भए पनि हात पार्न सफल भइन्।
२०२५ बालोन डी’ओरका अन्य विजेताहरू:
पुरुषको कोपा ट्रफी: लामिन यामल (बार्सिलोना/स्पेन)
महिलाको कोपा ट्रफी: विक्की लोपेज (बार्सिलोना/स्पेन)
महिलाको जोहान क्राइफ ट्रफी: सारिना विगम्यान (इंग्ल्याण्ड)
पुरुषको जोहान क्राइफ ट्रफी: लुइस एनरिक (पेरिस सेन्ट-जर्मेन)
महिलाको याशिन ट्रफी: हन्ना ह्याम्पटन (चेल्सी/इंग्ल्याण्ड)
पुरुषको याशिन ट्रफी: जियानलुइगी डोनारुम्मा (म्यानचेस्टर सिटी/इटाली)
महिलाको गर्ड मुलर ट्रफी: इवा पाजोर (बार्सिलोना/पोल्याण्ड)
पुरुषको गर्ड मुलर ट्रफी: भिक्टर ग्योकेरेस (आर्सेनल/स्वीडेन)
महिलाको क्लब अफ द इयर: आर्सेनल
पुरुषको क्लब अफ द इयर: पेरिस सेन्ट-जर्मेन
सोक्रेटस ट्रफी: जाँना फाउन्डेसन
महिलाको बालोन डी’ओर: एटान बोनमाती (बार्सिलोना/स्पेन)
पुरुषको बालोन डी’ओर: ओस्मान डेम्बेले (पेरिस सेन्ट-जर्मेन/फ्रान्स)
