हाल देशमा पश्चिमी न्यूनचापीय प्रणाली तथा स्थानीय वायुको आंशिक प्रभाव रहेको जल तथा मौसम पूर्वानुमान महाशाखाले जनाएको छ।
हाल देशका पहाडी क्षेत्रमा आंशिकदेखि सामान्य बदली रहेको छ भने अन्य स्थानहरूमा मौसम मुख्यतया सफा छ।
दिउँसोको पूर्वानुमान:
- कोशी, मधेश, बागमती र गण्डकी प्रदेशमा आंशिकदेखि सामान्य बदली रहनेछ।
- अन्य प्रदेशहरूमा आंशिक बदलीदेखि मौसम मुख्यतया सफा रहनेछ।
- कोशी र बागमती प्रदेशका केही स्थानहरूमा तथा मधेश र गण्डकी प्रदेशका एक-दुई स्थानमा चट्याङ्गसहित हल्का वर्षाको सम्भावना छ।
- कोशी, बागमती र गण्डकी प्रदेशका उच्च पहाडी तथा हिमाली क्षेत्रका एक-दुई स्थानमा हल्का हिमपात हुन सक्नेछ।
रातिको पूर्वानुमान:
- कोशी प्रदेशमा आंशिक बदली रहनेछ भने अन्य प्रदेशहरूमा आंशिक बदलीदेखि मौसम मुख्यतया सफा रहनेछ।
- कोशी प्रदेशका एक-दुई स्थानमा चट्याङ्गसहित हल्का वर्षा हुन सक्छ।
- कोशी प्रदेशका उच्च पहाडी तथा हिमाली क्षेत्रका एक-दुई स्थानमा हल्का हिमपातको सम्भावना छ।
महाशाखाले कोशी, मधेश, बागमती र गण्डकी प्रदेशमा हल्का वर्षा र चट्याङ्ग तथा उच्च पहाडी र हिमाली क्षेत्रका केही स्थानमा हल्का हिमपात हुने सम्भावना भएकाले दैनिक जनजीवन, कृषि, स्वास्थ्य, सडक तथा हवाई यातायातमा आंशिक असर पर्न सक्ने भन्दै आवश्यक सतर्कता अपनाउन अनुरोध गरेको छ।
