नेपाली बजारमा सुनको मूल्य पुनः नयाँ उचाइमा पुगेको छ । बिहीबार सुन प्रतितोला १ लाख ८० हजार ३ सय रुपैयाँमा कारोबार भइरहेको छ, जुन हालसम्मकै उच्च मूल्य हो ।
अघिल्लो दिनको तुलनामा सुनको मूल्यमा १२ सय रुपैयाँको वृद्धि भएको छ । बुधबार प्रतितोला १ लाख ७९ हजार १ सय रुपैयाँमा कारोबार भएको थियो ।
त्यहीँ, चाँदीको भाउ भने ओरालो लागेको छ । अघिल्लो दिन २ हजार २० रुपैयाँमा किनबेच भएको चाँदी आज २५ रुपैयाँ घट्दै प्रतितोला १ हजार ९९५ रुपैयाँमा झरेको छ ।
