काठमाडाैं । स्पेनिस ला लिगामा बार्सिलोनाले गेटाफेलाई ३-० गोलको फराकिलो अन्तरले पराजित गरेको छ।
क्याटलान क्लब बार्सिलोनाका लागि फरवार्ड फेरान टोरेसले उत्कृष्ट प्रदर्शन गर्दै दुई गोल गरे। उनले खेलको १५औं र ३४औं मिनेटमा गोल गर्दै टोलीलाई पहिलो हाफमै बलियो अग्रता दिलाएका थिए।
दोस्रो हाफमा पनि बार्सिलोनाले आफ्नो दबाब कायमै राख्यो। खेलको ६२औं मिनेटमा डानी ओल्मोले गोल गर्दै बार्सिलोनाको जित सुनिश्चित गरे।
