काठमाडाैं अस्ट्रेलियाले भारतलाई तीन खेलको एकदिवसीय शृङ्खलाको पहिलो खेलमा ७ विकेटले पराजित गर्दै शृङ्खलामा १-० को अग्रता लिएको छ । डकवर्थ-लुइस-स्टर्न (डिएलएस) पद्धतिको प्रयोग गरिएको यो खेलमा अस्ट्रेलियाका मिचेल मार्श ले उत्कृष्ट प्रदर्शन गरे।
टस जितेर फिल्डिङ रोजेको अस्ट्रेलियासामु भारतीय ब्याट्सम्यानहरूले संघर्ष गरेका थिए। २६ ओभरमा भारतले ९ विकेट गुमाएर १३६ रन बनाएको थियो। भारतका लागि केएल राहुल ले सर्वाधिक ३८ रन बनाए भने अक्षर पटेलले ३१ रनको योगदान दिए।
अस्ट्रेलियाका बलरहरूले कसिलो बलिङ गर्दै लगातार विकेट लिए। मिचेल ओवेन, जोश हेजलवुड, र म्याथ्यु कुहनेमन सबैले २/२ विकेट लिएर भारतलाई ठूलो स्कोर बनाउनबाट रोके।
वर्षाका कारण लक्ष्य छोट्याएर अस्ट्रेलियालाई २६ ओभरमा १३१ रनको लक्ष्य दिइएको थियो। अस्ट्रेलियाले यो लक्ष्य २१.१ ओभरमा मात्रै ३ विकेट गुमाएर पूरा गर्यो।
अस्ट्रेलियाको जितमा मिचेल मार्शले उत्कृष्ट प्रदर्शन गरे। उनले अविजित रहँदै ४६ रन बनाएर टोलीलाई सहज जित दिलाए। उनलाई जोश फिलिपले ३७ रन र म्याट रेनशले अविजित २१ रन बनाएर राम्रो साथ दिए।
भारतका बलरहरूमध्ये वासिङ्गटन सुन्दर, अक्षर पटेल, र अर्शदीप सिंह ले १/१ विकेट लिए पनि टोलीलाई जित दिलाउन पर्याप्त भएन।
